Звароты грамадзян, у тым ліку індывідуальных прадпрымальнікаў (далей - грамадзян) і юрыдычных асоб накіроўваюцца і разглядаюцца ў адпаведнасці з патрабаваннямі Закона Рэспублікі Беларусь ад 18 лiпеня 2011 года "Аб зваротах грамадзян і юрыдычных асобаў".
У адпаведнасці з Законам Рэспублікі Беларусь ад 18 лiпеня 2011 года "Аб зваротах грамадзян і юрыдычных асобаў" звароты выкладаюцца на беларускай або рускай мовах.
Зварот грамадзяніна ў абавязковым парадку павінен утрымліваць:
- прозвішча, уласнае імя, імя па бацьку або ініцыялы грамадзяніна;
- адрас месца жыхарства (месца знаходжання) грамадзяніна;
- выкладанне сутнасці звароту;
- асабісты подпіс грамадзяніна.
Зварот юрыдычнай асобы ў абавязковым парадку павінен утрымліваць:
- поўнае найменне юрыдычнай асобы; месца знаходжання юрыдычнай асобы; выкладанне сутнасці звароту;
- прозвішча, уласнае імя, імя па бацьку асобы, упаўнаважанай падпісваць звароты;
- асабісты подпіс кіраўніка або асобы, упаўнаважанай ва ўстаноўленым
парадку падпісваць звароты, завераны пячаткай юрыдычнай асобы.
Звароты павiнны быць разгледжаны не пазней за 15 дзён, а якія патрабуюць дадатковага вывучэння і праверкі - не пазней 1 месяца.
Пакідаюцца без разгляду па сутнасці звароты, якія (па якіх):
- выкладзены не на беларускай або рускай мове;
- не ўтрымліваюць прозвiшча, уласнага iмя, iмя па бацьку, адрасы месца жыхарства (месца знаходжання) грамадзяніна;
- не ўтрымліваюць поўнай назвы юрыдычнай асобы і адрасы яго месца знаходжання, прозвiшча, уласнага iмя, iмя па бацьку кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб);
- ўтрымліваюць тэкст, які не паддаецца чытанню;
- ўтрымліваюць нецэнзурныя або абразлівыя словы або выразы;
- падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах альбо ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;
- змяшчаюць пытанні, якія не адносяцца да кампетэнцыі адрасата;
- прапушчаны без уважлівай прычыны тэрмін падачы скаргі;
- пададзены паўторны зварот і ў ім не змяшчаюцца новыя абставіны;
- з заяўнікам спынена перапіска.
Пералік аб'ектаў, на якіх не ажыццяўляецца дзяржаўны будаўнічы нагляд вызначаны пастановай Савета Міністраў Рэспублікі Беларусь ад 19.10.2006 № 1387.
Артыкулам 41 Закона Рэспублікі Беларусь ад 04.01.2010 № 108-З "Аб мясцовым кіраванні і самакіраванні ў Рэспубліцы Беларусь" устаноўлена, што размяшчэнне аб'ектаў будаўніцтва на адпаведнай тэрыторыі, ўзгадненне рэжыму працы арганізацый, а таксама ажыццяўленне кантролю за выкананнем заканадаўства належыць да кампетэнцыі мясцовых выканаўчых і распарадчых органаў.
Згодна з пастановай Савета Міністраў Рэспублікі Беларусь ад 20.02.2007 № 223 мясцовыя выканаўчыя і распарадчыя органы таксама выдаюць дазвольную дакументацыю на будаўніцтва аб'ектаў, у склад якой уваходзіць рашэнне аб дазволе праектавання і (або) будаўніцтва аб'екта.
Артыкулам 9 Жыллёвага кодэкса Рэспублікі Беларусь устаноўлена, што мясцовыя выканаўчыя і распарадчыя органы ажыццяўляюць кантроль за эксплуатацыяй жыллёвага фонду.
Просьба па пытаннях, якія адносяцца да кампетэнцыі мясцовых выканаўчых і распарадчых органаў, звяртацца ў
адміністрацыі раёнаў горада Мінска альбо Мінгарвыканкам.
У адпаведнасці са зменамі, унесенымі ў артыкул 25 Закона Рэспублікі Беларусь ад 18.07.2011 N 300-З (рэд. ад 28.06.2022) "Аб зваротах грамадзян і юрыдычных асоб" з 02.01.2023 г. электронныя звароты падаюцца ў дзяржаўныя органы і іншыя дзяржаўныя арганізацыі праз сістэму ўліку і апрацоўкі зваротаў і падлягаюць разгляду ў парадку, устаноўленым для разгляду пісьмовых зваротаў.
Пры неабходнасці падачы звароту Вам неабходна накіраваць яго спосабамі, прадугледжанымі заканадаўствам.
Адказы на часта задаваемыя пытанні магчыма прачытать тут